Хужайра биофизикаси лабораторияси
Усманов Пулат Бекмуратович
Лаборатория мудири: биология фанлари доктори, профессор
Лаборатория тарихи
Ҳужайра биофизикаси лабораторияси 1977 йили ЎзР ФА Биохимия институти Биофизика бўлими негизида ташкил топган. 1985 йили Биофизика бўлимининг ЎзР ФА Физиология институти билан бирлашганидан сўнг лаборатория ЎзР ФА Физиология ва биофизика институти таркибига кирган, 2012 йили эса ЎзР ФА акад. О.С.Содиқов номидаги Биоорганик кимё институти таркибига ўтказилган. 2019 йилдан бошлаб ЎзМУ ҳузуридаги Биофизика ва биокимё институти таркибида фаолиятини бошлади.
Лаборатория ходимлари, чапдан ўнга турган- Бобоев С.Н., Зарипов А.А., Рустамов Ш.Ю., Ибрагимов Э.Б.,
ўтирган- Мирзаева Ю.Т., Лютикова С.В., Жумаев И.З., Усманов П.Б.
Лабораториянинг асосий илмий йўналиши:
Лабораториянинг асосий илмий йўналиши табиий биологик фаол моддаларнинг биологик мембраналарнинг турли типдаги ион каналлари ва рецепторларига таъсир механизмини ўрганиш ва уни тавсифлашдир. Ушбу тадқиқотларда ион каналлари ва рецепторларнинг янги фармакологик хусусиятлари аниқланади ва уларни фармакологик бошқариш учун янгича услублар яратишга ёрдам беради.
Энг муҳим натижалар
Турли бўғимоёқлилар заҳари таркибида аксонал, пре- ва постсинаптик таъсирга эга бўлган бир қатор янги нейротоксинлар аниқланган. Ургимчаглар заҳаридан потенциалга боғлиқ Nа-каналларни инактивация механизмини ингибитори ва пресинаптик Са2+-каналларини блоклош йўли билан синаптик узатилишига салбий таъсир қиладиган янги пептид нейротоксинлар ажратилган ва таснифланган. Argiope lobata ўргимчаги заҳаридан ажратилган полиамин нейротоксинларнинг глутамат рецепторларининг модуляция қилиши кўрсатиб берилган. Ушбу нейротоксинларнинг каламуш мияси NMDA рецепторлари билан ўзига хос тасъсири оркали унинг 3H-глутамат ва 3H-MK-801 билан боғланишини кучайтириши ёки сусайтириши аниқланган. Ушбу токсинларнинг бундай таъсири уларнинг NMDA рецептор-канал комплексининг медиатор- ёки Мg2+ боғловчи участкалари ва канал билан ўзаро таъсирлашиши билан боғлиқдир. Шунингдек, айрим дитерпеноид алкалоидларининг кучли релаксант таъсирига эгалиги аниқланган. Ушбу алкалоидларнинг релаксант таъсири асосида уларнинг силлиқ мускул ҳужайраларидаги потенциалга боғлиқ ва рецептор ёрдамида бошқариладиган Са2+-каналларини блоклаши аниқланган. Шу билан бирга, айрим детерпеноид алкалоидларнинг релаксант таъсири уларнинг К+ каналларига ва саркоплазматик ретикулумдаги жараёнларга таъсир кўрсатиши билан боғлиқ эканлиги курсатилган. Антиаритмик таъсирга эга бўлган кўпчилик дитерпеноид алкалоидларнинг яққол манфий инотроп таъсир намоён қилиши аниқланган. Ушбу алкалоидларнинг манфий инотроп таъсири асосида потенциалга боғлиқ Na+ ва Са2+ -каналларини блок қилиши, ҳамда Na+/Ca2+ алмашинувчи тизим ва саркоплазматик ретикулум функциясидаги бузилишлар ётиши курсатилган. Мазкур алкалоидларнинг манфий инотроп таъсири кўп ҳолларда уларнинг антиаритмик таъсири билан боғлиқ булиб уларни барча юрак аритмияларини даволашда чекланган ҳолда қулланилади. Олиб борилаётган тадкикотлар манфий инотроп таъсирга эга бўлмаган алкалоидларни аниклашга ва янги самарали антиаритмик препаратларни яратишга ёрдам беради.
Тадқиқотларнинг амалий татбиқи
Лаборатория ходимлари тавсифлаб берган айрим нейротоксинлар асосида дори ва ўсимликларни зараркунанда-ҳашаротлардан ҳимоя қилиш воситаларини ишлаб чиқариш технологиялар яратилган. Яллиғланишга қарши ва оғриқ қолдирувчи таъсирга эга бўлган “ВИПРОТОН” малҳамини технологияси жорий қилинди. Бакуловируслар ва чаёнлар токсинлари асосида экологик хавфсиз биоинсектицидларни яратиш технологияси ишлаб чиқилди. Кардиотроп ва гипотензив таъсир кўрсатувчи биологик фаол моддаларни экспресс-скрининг қилишнинг биофизикавий методи, “Биофизика” курсини ўқитиш учун мультимедия ўқув қўлланмаси яратилди. Дигидрокверцетин флавоноиди ва F-18 изохинолин алкалоиди асосида олинган ДКВ-11 конъюгатига “Кардиопротектор восита” сифатида патент олинди.
Келажакдаги режалар
Биологик фаол бирикмалар (токсинлар, алкалоидлар, флаваноидлар ва б.) ни юрак ва силлик мускул ҳужайраларидаги Са2+ гомеостазини бошқариш системаларига таъсирини излаш ва ўрганиш. Биологик фаол бирикмаларнинг Са2+ гомеостазини меъёрида ушлаб туришда ва юрак-кон томир системалари касалликлари патогенезида муҳим рол ўйнайдиган Ca2+- каналлари, Na+/Ca2+-алмашинуви, рианодин рецептори, саркоплазматик ретикулум Са2+ АТФазаси функциясига таъсирини тавсифлаш. Ушбу тадқиқотлар юрак ва силлиқ мускул ҳужайраларида Са2+ ионлари транспортини фармакологик бошқаришнинг янги услубларини аниқлаш имконини беради ва юрак-қон томир системаси касалликларини даволаш учун самарали дори воситаларининг янги авлодини яратишга ёрдам беради.
Илмий алоқалар
Лаборатория Алабама Университетининг (АҚШ) нейробиология кафедраси, Калифорния Университетининг (АҚШ) энтомология бўлими, Ҳужайра биофизикаси Институти (Россия Фанлар академияси), Украина ФА Физиология институти, ЎзР ФА Ўсимликлар моддалари кимёси институти лабораториялар билан ҳамкорликда ишлар олиб боради.
Халқаро грантлар
Лабораторияда CRDF: «The development of new neurotoxins from Arthropods Venoms of Central Asia for agricultural application» (1999-2001 йй.) ва STCU Р-119: «Development of baculovirus-based bioinsecticide technology in Uzbekistan» (2003 – 2006 йй.) грантлари доирасида тадқиқотлар бажарилган.
Лаборатория ходимлари: Усманов П.Б. – б.ф.д., проф., лаборатория мудири
Жумаев И.З. - катта илмий ходим
Мирзаева Ю.Т. – катта илмий ходим
Рустамов Ш.Ю. - кичик илмий ходим
Зарипов А.А. – катта илмий ходим
Бобоев С.Н. – таянч докторант
Мусаева М.К.– кичик илмий ходим
Ибрагимов Э.Б.– таянч докторант
Лютикова С.В. –лаборант